رؤية تحليلية للاعبي االاهلي في مباراة الاسماعيلي

بس ألف مليون مبروك الدورى ال32


و فوز فلافيو بلقب الهداف و مباركة خاصة لكل رابطة محبى اللاعب فلافيو على هذا التالق الرائع رغم انه ملعبش اخر مباراتين فى الدورى

و مبروك لعماد متعب المركز الثانى فى صراع الهدافين


مش هاخبى عليكم كنت متشائم جدا قبل المباراة و توقعت هزيمة ثقيلة جدا اكثر من 4 اهداف لكن الحمدلله بجد الاولاد النهاردة كانوا رائعين و اكثر من رائعين


رغم انهم بيلعبوا امام اقذر جمهور ممكن يمر على لاعب فى حياته الا انه اثبتوا نفسهم تماما و كانوا اكثر من ند قوى لفريق الاسماعيلى بفريقه الكامل


على فكرة مكناش هنتغلب 1/0 و لو تلاحظوا ان اللى فرق معانا حاجتين اول حاجة اصابة احمد جلال بشكل مفاجى و خروجه خلاهم يرتاحوا كثير و كمان ضعف لياقة بلال لان بلال لو كان كمل ال90 دقيقة جنب اسامة و احمد جلال بعد خروج ميدو كان هيبقى لنا شان تانى

فى المجمل مفيش حد وحش النهاردة و كلهم هايلين

أمير .. عقد حسنى عبدربه و عمر جمال و تصدى ببراعة لكل تصويباتهم النارية
وائل جمعة ........ عالمى و مش بيظهر على حقيقته غير فى مباريات التحديات
محمد سمير ... الولد ده اكتشاف .. ثبات و ثقة و معرفة كاملة بواجبات مركزه .., الله اكبر عليه
عبد الاله جلال .. هايل و ياريت ياخد فرصة مع محمد سمير جنب خط دفاعنا المجدد
احمد شديد ... عمل اللى عليه و زيادة و كان له فرصة خطيرة لكن زى ما احنا عارفين هو مش متعود يجيب اجوان
احمد عادل .. من مباراة للاخرى بيثبت اقدامه بشدة و بقى ثقيل اوى دفاعيا بس ده على حساب الواجبات الهجومية اللى مكانتش مطلوبة منه بالذات فى المباراتين الاخيرتين

حسام عاشور و حسن مصطفى .. هايلين و قاموا بواجبهم على اكمل وجه

احمد جلال .... رغم ان مكانش له خطورة واضحة النهاردة الا ان تحركاته كانت بتهد خط ضهر الاسماعيلى و تفتته و يمهد الطريق لبلال و ميدو ... ايضا يجب ان يظل فى الاهلى و كمان كام مباراة هيبقى من نجومنا الكبار

مش عارف اقول مين و الا مين الصراحة و كلهم كانوا نجوم و كبار و اد المباراة

حسام البدرى .... ادار المباراة بشكل هايل و اثبت انه كفاءة لا تقل عن مانويل جوزيه .. ثقيل و راسى و عاقل و رغم خوفى من المباراة الا ان منظره خلال المباراة و نظراته و توجيهه للاعبين كان دايما يبعث فى الطمانينة

الحكم .. كان هايل و كنا خايفين منه لكن بصراحة كان كويس جدا بس هى فى لعبة واحدة مش عارف ايه حكمها ... اللعبة اللى وقعت من ايد محمد فتحى منتيجة الاصطدام بمعتصم سالم و رجع اخدها تانى .. هى دى مش مفروض كانت تتحسب فاول عليهم ؟؟؟

غير كدة كان هايل جدا

سيد معوض .. .. واضح انك بتحقد على لاعيبة الاهلى عشان الاهلى مش معبرك يا والد ..

حسنى عبدربه ... لعيب ثقيل اوى و عملت ماتش عمرك و كنت كابتن بحق لفريقك لكن مكانش لها لزوم ابدا الحركة الاخيرة مع حسام عاشور

محمد فضل .... مبروك عليك ثالث الهدافين و مبروك عليك تسجيل 3 اهداف فى شباك الاهلى فى موسم واحد من اصل 4 احرزهم الاسماعيلى و عزاءنا الوحيد لخسارة اليوم هى انها جاءت على ايد انت و مش على ايد اى لاعب اسماعيلاوى زبالة و كفاية اوى ان الاسماعيلاوية يعرفوا ان

الاسماعيلية كلها مفيهاش راجل يقدر يكسب الاهلى

و لا يفل الحديد الا الحديد

و كفاية اوى انهم عارفين ان اللى شايلهم السنة دى و عمل لهم منظر هم ابناء الاهلى محمد فضل فى الهجوم و هانى سعيد فى الدفاع


و فى النهاية زى ما توقعنا ان الفرقة اللى لعبت النهاردة لو لعبت مع بعض 3 او 4 ماتشات كمان هتبقى فرقة هايلة و هنستفيد من عناصر كثيرة فيهم جنب الاساسيين


ناس كثير بتيجى الاهلى و تمشى من غير ما تحصل على فرصة و ادينا كل يوم بنشوف اللى بيحصل على فرصة بيعمل ايه .. انما بقى مش ربع ساعة فى مباراة و الهجص ده و نقول ده خد فرصته انما لازم يلعب كذا ماتش مش اقل من 5 او 6 مباريات عشان نقدر نستفيد منه

و مبروك فى النهاية على الدورى و على مكسب اكثر من لاعب هيفيدونا كثير فى المستقبل و مبروك على انتهاء اصعب موسم دورى فى تاريخ الاهلى


و مبروك كمان للزمالك على المركز الثانى و دخولهم الى عرين الاسد باقدامهم فى بطولة دورى رابطة الابطال الافريقية و ان شاءالله ييججى اليوم اللى يبكوا فيه و يندموا انهم كسبوا الاهلى 2/0 فى يوم من الايام

و الله ده اللى كنت عايزه من زمان ان الاسماعيلى يبقى ثالث و يدخل ابطال عرب و مش هيكسبها و الزبالة كمان يبقوا ثانى دورى و يدخلوا معانا و برضو مش هيكسبوا ان شاءالله و يارب كثر اللقاءات اللى بينا و بينهم السنة دى و السنة الجاية